曼城收雷丁「Top 5大禮」

猪拉多纳

曼城早前畀死敵曼聯打破聯賽37場主場不敗金身，主帥文仙尼若想保住個飯碗唔衰得，今晚主場迎戰包尾大幡雷丁屬搶分良機。雷丁今季遇強例演入球騷，大細中位數3.5球照捧大！

（有線300及200台周六晚11時直播）

曼城今屆歐聯再次分組賽畢業，幕後人已有微言，轉頭又喺曼市打吡不敵紅魔鬼，依家畀死敵甩開6分，如果喺快車期有乜閃失再被掟甩，恐怕文帥會落鑊。文仙尼唔敢再亂排陣，前面重用番泰維斯同阿古路，中場大衞施華派牌，即使拿斯尼養傷亦冇大影響。不過後防大將高柏尼有傷未必踢得，尼史葛不受重用，或由高路托尼打中堅，難言穩健！
雷丁五戰Top 5全大

雷丁六連敗跌至榜尾，上次主場對阿仙奴大敗2比5，開季聯賽17戰失36球，數字冠絕英超。雷丁升班後踢法主攻，面對強隊照鬥攻，先後喺聯賽及盃賽同阿仙奴合演入球騷，早前鬥曼聯上半場合力炮製七球，總計今季聯賽連盃賽五戰英超Top5球隊場場有士哥，但失波都勁多，總入球最少嗰場都有四球交收，仲諗？追大盤啦！
雷丁鬥英超Top5戰績

賽事 賽果

英超 主負阿仙奴 2:5

英超 主負曼聯 3:4

英聯盃 主和阿仙奴 4:4

英超 主負熱刺 1:3

英超 客負車路士 2:4