西悉尼流浪者遇強笠水

猪拉多纳

另一場澳職西悉尼流浪者主場對阿德萊德聯，流浪者表面上兩連勝係威係勢，但其實對手只係兩支包尾球隊，「水分」甚重，今仗遇上次席勁旅阿德萊德聯恐怕無力招架。阿軍同榜首中岸水手爭持激烈，一分都不能少，作客照攻對手，客勝可期。

（有線64及204台周五下午4時直播）
阿德萊德聯超班

今季澳職演變成中岸水手及阿德萊德聯之爭，後者只落後水手1分，但已拋離第三位墨爾本勝利8分，可見兩軍實力超班，阿德萊德聯面對其餘球隊勝算甚高。尤其係佢哋月初不敵水手，痛失榜首之位後已發奮圖強，連贏兩場漂亮勝仗，力爭重上一哥位置，當然唔會赦首季參加澳職嘅流浪者。

流浪者欺善怕惡，今季聯賽五場勝仗，其中四場對手係現時排名最低三隊，而且入波都係一球起兩球止，屬於攻力最弱球隊，今日係時候獲利回吐。