諾域治撞韋根預咗大手交易

猪拉多纳

英超諾域治曾幾何時被認定為護級嘅必然分子，但今季演出真係唔差，打吓打吓現時排喺中游位置，留級前途樂觀。今個星期佢哋喺主場出戰韋根，計贏面諾域治略為佔優，不過並冇必勝把握。始終諾域治聯賽勝率唔太高，數據上欠缺說服力，故今仗不如轉玩大細盤。一來諾域治有一對好前鋒格蘭荷特及辛迪加斯，二來排名較低嘅韋根要必要搶分護級。預料雙方今場會踢得較為開放，入球數字應該唔低，大盤值得留意。

（有線303及203台周六晚11時直播）
雙方有搶攻本錢

諾域治入球能力唔算差，月初贏史雲斯及新特蘭合共交出6個入球。本周對住實力平凡嘅韋根，諾域治可望繼續交出「士哥」。韋根方面，上周主場只能逼和昆士柏流浪，連續三場聯賽不勝，現時排積分榜尾三，今仗肯定搶分心切，相信即使作客仍會豁出積極搶攻，務求攞晒救命3分。

韋根有爭勝意欲，而諾域治又有入波本錢，球迷唔使擔心是但一方會龜縮。今場應有唔少入球產生，大盤係唔錯嘅選擇。