QPR博開齋 富咸有難

猪拉多纳

英超球隊昆士柏流浪（ＱＰＲ）開季至今喺聯賽未嘗一勝，但由名帥夏利列納接手後，士氣同狀態似有起色，今次主場對富咸開到讓平半盤口咁硬淨，可見都應該係時候贏番場開齋，呢個上盤值得支持！

（有線302及202周六晚11時直播）

昆士柏流浪人腳其實一啲都唔失禮，但踢咗16輪聯賽竟然一場都贏唔到，梗係有啲問題啦！皆因呢隊波較多過氣球星，好需要一個有料兼識用人嘅領隊去揸弗，可惜曉士明顯未夠級數去砌掂呢隊波，季初輸得幾場當然亂晒籠，家陣搵到名帥夏利列納治軍，佢經驗同功力唔使懷疑，相信有力協助球隊全力護級。而事實上自從夏利叔上任後，ＱＰＲ已保持3場不敗，進步明顯，經過幾場嘅磨合，已到贏波時候，讓平半半個博一個，當然要上盤！
杜塞爾多夫平手嗒得「諾」

跟住再睇另一場，德甲大軍杜塞爾多夫主場對漢諾威，主隊名氣唔大，但近期喺主場踢落都對辦，已經連贏兩場，今次對水準飄忽嘅漢諾威開平手盤，個盤都算合理，預期杜塞爾多夫可以再下一城，呢場都係揀主隊。
肥叔心水

杜塞爾多夫平手盤

史特加 下盤

法福克福 下盤

利物浦 大

曼聯 大

昆士柏流浪 上盤

馬略卡 平手盤

烏甸尼斯 上盤