曼城客勝「紐」轉劣勢

猪拉多纳

「狀態是暫時的，卡士卻是永恒的」，可謂金句中嘅金句。曼城今輪作客紐卡素，客軍雖連輸兩場，但計人腳、鬥心、往績均食住「喜鵲」，客W1.55倍分頭抵買。主隊續有卡比耶缺陣，賓艾化又有傷，曼城近9次對戰8次「劏雀」，係時候反彈！

（有線300及200台周六晚8時45分直播）

曼城近績的確頗曳，歐聯羞家出局，上仗聯賽打吡戰又臨天光賴尿，飲恨於死敵曼聯腳下，傳媒都大肆吹噓曼城冧檔，文仙尼帥位危危乎，個天都就跌落嚟咁滯。曼城士氣可能麻麻，但一班超級球星唔係紙紮，依家爭英超變成首要目標，肯定比以往專注爭標。雖然中場巴利停賽、隊長高柏尼又有傷在身，但正選陣容仍星光熠熠，喺必須搶晒三分情況下，面對「私房菜」食得落有餘。
近9對賽8擒紐卡素

紐卡素目前僅領先護級區域兩分，可見近期停賽、傷兵潮對球隊影響有幾大。雖然迪奧迪已復出，但賓艾化上仗一傷再傷，輸血管卡比耶仲未出得，隊長高洛仙尼亦犯錯頻頻，面對勁旅形勢好危。近年「喜鵲」對親曼城都冇運行，9戰輸8場，簡直輸到慣，今勻捧客W啱數。