祖記出副選隨時僅熟

猪拉多纳

祖雲達斯教練干迪被罰停賽4個月後，今晚首度主場領軍出戰意大利盃16強，斑馬兵肯定識做贏波為主帥沖喜吓，但係前線收起最弗嘅胡仙歷就，隨時小勝晉級，冷敲3.55倍「讓球和」。

（now633及660周四凌晨4:00直播）

同羅馬並列捧盃次數最多嘅祖記，雖然冇前者冠絕意甲嘅鋒力，不過防守力就好靠得住，除咗聯賽失波最少之餘，近6場波亦只係失過1粒，加上馬田卡沙利斯同盧卡馬朗尼傷愈復出，防線就更加穩健。就算今場派部分副選應戰，前線收起胡仙歷，改由加利亞雷拉拍住基奧雲高攻堅，只要後防唔失波，前線就可以睇定嚟食。
卡利亞里對列強冇料到

卡利亞里之前嘅4連勝勢頭的確唔錯，弊在佢哋實力始終有限，跟手5場對住中上游球隊，就露晒底1場都贏唔到，今晚仲有傳會畀副選施比利尼打正選，靠班後備可以有咩作為？
意盃賽制

今輪為16強戰，以一場過分勝負，若法定時間內打成平手，則需加時作賽，再和就互射12碼決勝。

猪拉多纳