法福不來梅合演入球騷

猪拉多纳

德甲尾場法蘭克福主場鬥雲達不來梅，兩軍都係有前冇後，今晚玩對攻一定唔會悶親大家，入球大得1.5倍熱得有理，係Alwin嘅信心推介。

（有線61及201台周日凌晨1時30分直播）

法蘭克福近期演出走下坡，近7仗只喺主場贏過弱旅奧格斯堡，主要原因係防線嚴重不穩，主力中堅安達臣蘇亞雷斯繼續養傷，今年都唔可以趕及復出，教頭艾明費根本搵唔到代替佢嘅適合人選，但佢堅持唔改變主攻作風，搞到好多時前面入埋都唔夠後面輸，尤其主場更加鍾意攻，佢哋上仗主場對緬恩斯輸到1:3，今季主場不敗身被破，總結今季8場主場賽事全部有入波同失波，當中7場開大，平均每場總入球達到4.12個，呢個數據冠絕德甲。

至於客軍雲達不來梅今季換血後前線攻力大幅增強，艾利亞、尼斯彼達臣、同奇雲迪布尼3個新兵生猛到極，奧地利天才前鋒阿拿奧杜域更加着晒火，可惜防線嚴重不濟，而且教頭舒哈夫喺作客情況下都唔肯守，今季8場作客賽事亦都係每場都有入波同失波，佢哋啱啱作客大破賀芬咸4:1，仲打爛埋對手教頭巴布個飯碗，今晚強勢作客，當然唔畀佢停繼續攻。Alwin深信呢場會係入球騷，不來梅贏面甚至喺法蘭克福之上，客軍有受讓平半之利，下盤亦值得兼顧。
Alwin 推介：

法蘭克福大★★★★★

雲達不來梅下盤★★★

羅馬大★★★