馬里博爾主場攞尾彩

猪拉多纳

拉素無心戀戰副選hea踢

歐霸盃J組最後一輪賽事，斯洛文尼亞球隊馬里博爾主場對拉素，另外熱刺主場對希臘彭拿典奈高斯。J組出線形勢好簡單，暫時榜首拉素已經出線，至於排行次席熱刺，今場不敗就可晉級。第三位彭拿典奈高斯贏波先晉級，馬里博爾已經出局下次努力過。先講馬里博爾主場對拉素，兩者都無明確明標，拉素作客難讓對手，今場捧「讓球主勝」。

（有線63及203台周五凌晨4時05分直播）

拉素已經完成出線任務，對於今場比賽唔會太在乎。況且三名前鋒高路斯、洛基及莫路沙拉迪全部受傷，門將馬捷迪又未康復，相信今場比賽好可能用大量副選上陣，草草完事就返意大利準備聯賽。於無心戀戰情況下，拉素無能力讓波，馬里博爾隨時可以喺主場攞番個尾彩。
熱刺炒得起彭拿典

至於熱刺主場對彭拿典奈高斯，「讓球主勝」可以大力捧場。彭拿典奈高斯受到國家經濟不佳所累，陣內高質球員近年都相繼被放走，管理層希望盡量減低薪酬開支，捱得一日得一日。彭拿典奈高斯實力已經大不如前，同熱刺根本無得鬥。熱刺領隊保亞斯對歐霸盃有心得，加上球隊近況弗到震，今場有力大勝。

（有線61及201台周五凌晨4時05分直播）