華倫慌失失反佢有里

猪拉多纳

歐聯F組兩支名牌球隊拜仁慕尼黑同華倫西亞已經提早出線，兩隊爭緊小組首名，不過華倫近期陷入低潮，連教頭都畀人炒埋，今次哀兵上陣作客里爾，睇怕都冇乜心情爭首名，讓波靠唔住，捧下盤！

（周四凌晨3時45分開賽）
薩克達打真軍贏到祖記

華倫西亞今季喺歐聯表現唔錯，目前已經穩奪出線席位，但佢哋於西甲戰績麻麻，上場仲畀皇蘇大炒，班波踢到失晒信心，相信仲要時間再執。不過，由於華倫評級高過里爾一截，莊家今場照開華倫讓平半，肥叔唔多睇好，始終佢哋依家要以聯賽行先，加上里爾本身主場表現唔曳，受讓盤口有利，呢場可以博下盤。

E組烏克蘭大軍薩克達喺主場同祖雲達斯和波就會齊齊出線，唔少人認為兩隊會打默契波，大部分菠菜公司都低開和波賠率。不過肥叔唔係咁睇，車仔老細阿布喺東歐勢力好大，若然佢開到聲，薩克達管理層點都會畀吓面打真軍，呢班波今屆踢落真係犀利，祖記未必頂得住，平手盤推介主隊，入球大有分頭可兼顧。
肥叔心水

卡利亞里上盤

薩克達平手盤、大

里爾下盤

賓菲加下盤、大