阿仙奴唔爭首名冇攻「細」

猪拉多纳

近況頹爆嘅阿仙奴今晚將於歐聯B組作客希臘嘅奧林比亞高斯，由於「兵工廠」喺英超排第10成績差到喊，領隊雲格講到明大有可能畀班正選休息，唔似有心爭小組首名，班二線兵對住要為打吡戰留力嘅奧林比亞高斯，累鬥累入波唔慌多，撐1.9倍入球細啦！

（有線64及204周三凌晨3:45直播）

阿仙奴要增兵係毋庸置疑，弊在老闆肯唔肯喺1月揼水買人仲係未知數，灰爆嘅雲格講明會畀正選休息，寧願放棄爭首名，靠現有兵力專注聯賽好過，皆因首名嘅史浩克04大有機會擊敗蒙彼利埃，阿仙奴贏波都未必有用，留力備戰周末嘅英超仲好。
奧林比亞高斯留力打吡戰

主隊奧林比亞高斯雖然主場8連勝兼穩奪希臘聯賽冬季冠軍，但佢哋本周末要喺「希臘國家打吡戰」作客彭拿典奈高斯，加上已經鐵定第3轉戰歐霸盃，慳番啖氣踢打吡好過，唔使旨意近5場4次開細嘅佢哋會喪攻喇！

歐聯B組