辛尼特「大」起AC

猪拉多纳

俄軍歐霸照殺

C組俄超辛尼特將與比甲安德列治爭逐歐霸盃席位，其中辛尼特作客AC米蘭，由於AC已肯定獲次名出線，贏輸都唔緊要，今場辛尼特有力反客為主，但考慮到AC近期腳風順，捧大盤穩陣。

（周三凌晨3時45分開賽）

馬拉加與AC肯定以首次名晉級16強，兩軍今輪已成例行公事，辛尼特與安德列治則同分排三、四位，由於兩軍對賽同於主場贏1比0，所以有機會要計得失球定排名。辛尼特上仗俄超聯賽作客4比2擊敗莫斯科斯巴達，兩名貴價兵侯克及韋素都有進帳，後者更梅開二度狀態甚弗。侯克上仗賽後表示自己非常享受辛尼特生活，更指自己好快就能回復昔日勇態。事實上，俄超兵一向重視歐霸盃，安治在今屆分組賽場場去盡有辦睇，相信辛尼特必求贏波轉戰歐霸盃，今訪聖西路唔可以睇小。
馬拉加唔放安德列治

AC雖然輸都冇所謂，但近四仗三勝一和，擊敗祖雲達斯及逼和拿玻里皆為代表作，以佢哋近期氣勢，就算唔出當紅炸子雞艾沙拉維都有力取得入球，今場一於捧入球大。

另一場馬拉加主場對安德列治，馬拉加實力遠勝安德列治，首循環作客都能大勝三球，適逢球隊近期跌Watt，今場必想贏波反彈，加上安德列治隨時焗攻死快啲，博馬拉加大勝，一於捧「讓球主勝」。