杜塞鬥法福細均力敵

猪拉多纳

德甲獨腳戲兩支升班馬碰頭，杜塞爾多夫主場鬥法蘭克福，法蘭克福實力同演出明顯高一皮，不過雙方近期狀態此起彼落，當起嘅杜塞爾多夫又有主場之利，令形勢拉勻，兩軍近3次碰頭全數和波同開細盤，推介1.9倍入球細。

（有線64及204台周六凌晨3時30分直播）

法蘭克福係今季德甲黑馬，雖然近況回落，近6場聯賽只贏過榜尾嘅奧格斯堡，但黑柴相信佢哋經過低潮後會重新振作，至於今仗係咪結束低潮時？黑柴就唔敢太樂觀，佢哋始終未習慣快車賽程，三日前主場不敵緬恩斯明顯有疲態，今仗仲有兩大主力派文舒維加同森拜奴雙雙停賽，佢哋近4場作客有3場開細，今晚頹勢下作客相信唔敢貪心搶攻。
杜塞學精主場照守

杜塞爾多夫實力差法蘭克福起碼一皮，今季注定係護級要角，但經過十月底主場先後慘敗於拜仁同禾夫斯堡腳下後，四眼教頭洛拔美亞已經學精，就算主場都先求穩守，近3次主場1勝2和，全部開細，不過對手只係態沉嘅慕遜加柏、賀芬咸同漢堡，雖然3日前作客爆大冷摸和多蒙特令士氣大振，但該仗基本上只係踢901死守戰術，根本冇主攻條件，今仗隨時又係悶和格局。