德甲快車史浩克有堡證

猪拉多纳

德甲向來較少開快車，好多球隊因為唔習慣，演出容易打折扣，Oliver一向對呢類形勢採謹慎態度，不過今晚我嘅出生地漢堡主場迎戰史浩克04就例外，因為漢堡已經成為雲達華治一人球隊，經過上輪聯賽輸波兼折大將災難後，目前已回復季初最惡劣狀態，今晚面對有知清佢底細前教練史堤芬斯帶領嘅史浩克根本難望搶分，史浩克客Ｗ係Oliver出擊重心。

（有線61台周三凌晨3時直播）
雲達華治缺陣漢堡散晒

漢堡近年最錯誤嘅決定，莫過於聘請阿連臣擔任體育總監，呢位車路士棄臣不但將陣中大多數有級數球員放走，仲喺車路士接收多名質素庸劣嘅棄將，當中唯一較有睇頭嘅高漢托尼季前竟然都賣埋畀俄羅斯球會魯賓卡山，剩低嘅文切尼同謝菲布馬成為球隊防線計時炸彈，漢堡整體實力大幅下滑，季初經過對紐倫堡同雲達不來梅兩場差劣演出後，會方明白到必須班兵救亡，於轉會市場關閉前終不惜工本，一口氣收購咗克羅地亞中場巴迪積、禾夫斯堡中場積拉錫，同最重要係邀得荷蘭球星雲達華治回巢。

雲達華治之所以肯回歸漢堡呢間細球會，都係應佢太太施維亞請求，因為施維亞喺漢堡市十分吃香，果然，雲達華治回投後，完全回復番佢個人最佳狀態，亦成為漢堡救星，上仗作客杜塞爾多夫之前，球隊喺聯賽排名升至上半區，一切似乎重歸正軌。
史提芬斯倒戈熟晒路

只可惜，上周五作客杜塞爾多夫呢一場波，就將漢堡打回原形，漢堡於開賽初段全面佔優，但踢到33分鐘，雲達華治因為喺場上一傷再傷被迫退下火線，漢堡此後表現等同災難，完全缺乏創造性，面對攻力疲弱嘅杜塞爾多夫，竟然一失再失，以雲達華治離場後漢堡嘅演出，根本就回復季初絕望時期一模一樣。

但不幸消息接踵而來，除雲達華治傷重今仗肯定缺陣外，積拉錫今晚亦無緣披甲，而巴迪積亦有傷上陣唔樂觀，連較早前表現屢有亮點既孫弘民亦加入傷兵行列，加埋原有傷兵馬素贊臣，球隊戰鬥力再衰多幾錢，今仗面對有曾執教漢堡嘅史提芬斯領軍，每個位置球員質素都勝過佢哋嘅史浩克，就算主場出擊都凶多吉少。
Oliver 推介：

史浩克04勝★★★★★

漢諾威勝★★★

史特加勝★★★