利華作客「大」起賀芬咸

猪拉多纳

德甲認真威晒！三支參加歐聯嘅德甲球會，都大有機會取首名資格出線，而多蒙特更加喺死亡之組脫穎而出，證明呢幾年歐洲系數無計錯，抵佢哋成為歐洲三大聯賽之一。歐霸盃方面德甲亦一致看好，四支參賽球會一齊出線都唔出奇！利華古遜雖然上周中輸咗畀米達列斯，但都已經篤定出線，將重心移返嚟德甲更為重要，今晚佢哋作客賀芬咸，一定撐佢哋客勝。

（有線61及64台周一凌晨零時30分直播）
希比亞領軍功力勝巴布

心水清嘅球迷都留意到，今晚對賽原來都係兩位前利物浦後防領軍，但兩位執教球隊成績同表現就差天共地，希比亞成功令利華重返正軌，大有機會重返歐聯戰場。相反巴布帶領賀芬咸就全無起色，都唔知班球員係咪玩嘢想一齊送巴布上路。

咁樣講並非無理據，上星期賀芬咸正正射咗成25次門冠絕德甲，不過都係戴迪約克完場前入得一球，馬比錫更可以話係浪射之霸，仲有一球八碼空門炒飛機。相反利華就啱啱好掉番轉，傑斯寧回復狀態不在話下，上周舒賀爾尼更以一球超靚30碼遠射搞掂史浩克04，技驚四座！仲有連拿度奧古士圖今季表現出色，已經吸引到唔少球會想挖角！利華依家擁有一班強勁攻力嘅中前場球員，不過今季作客場場有失波，結果六場聯賽作客全開「大」，小妹捉住呢條路今仗一於撐入球大！
Kit 推介：賀芬咸 入球大