疊水阿仙奴「客」爆維拉

猪拉多纳

近況回勇嘅阿仙奴今晚作客維拉，維拉上仗大敗畀曼城，今晚仲有領隊林拔停賽，相反「兵工廠」近3仗入咗10球，狀態回升兼獲阿聯酋航空加錢續簽贊助合約，喜事重重，今晚一於力撐阿仙奴，2.68倍「讓球客勝」走唔甩啦！

（有線200及300、廣東體育周日凌晨1:30直播）
小兵「賣心口」勁袋18.5億

唔知係咪被曼城炒到甘甘地，連領隊林拔都失控喪插球證同對手，結果被英超賽會罰停賽一場及罰款8,000鎊。咁又係，睇住隊波畀人炒，依家跌到落聯賽榜尾3，話無壓力都無人信啦，「張峰」希望停賽可以畀林拔冷靜吓，諗吓點樣改善戰績，爬番上聯賽榜較高位置仲實際。

隨住沙格拿、 韋舒亞等傷兵復出，阿仙奴慢慢開始以最佳陣容示人，韋舒亞受傷前就算面對當今球壇最老練嘅沙維、 恩尼斯達，表現都異常淡定，潛力無限，周中歐聯亦攞到復出後首個入波， 證明狀態冒升得唔錯，配合辛迪卡索拉同阿迪達，前線唔愁無供應，而且「兵工廠」尋晚仲正式同阿聯酋航空續簽贊助合約，新心口廣告費總值1.5億鎊（約18.5億港元），人逢喜事精神爽，今晚一於撐「兵工廠」贏波贏盤啦！
張峰來料：阿仙奴（讓球客勝）