三箭櫻花搶分大搏錘

猪拉多纳

日乙曲終人散，大分三神喺升班附加賽贏波，來季將再戰日職。日職尚餘兩輪，榜首廣島三箭以一分壓住次席仙台維加泰，今午主場鬥大阪櫻花冇失分空間，但佢哋爭冠壓力好大，神經刀櫻花仲擁有星級中場森比斯奧，三箭未必贏硬，兩隊近季碰頭旺大，投X首選大盤！

（now 633及660周六下午1時30分直播）

廣島三箭去到爭標關鍵時刻腳仔軟，近五輪聯賽只贏過包尾大幡札幌岡薩多，上場鬥浦和紅鑽踢來患得患失輸埋，班球員個個搏到乸口乸面，精神面貌麻麻。

三箭今戰仲有守將千葉和彥同中場米傑治坐波監，中後場唔齊腳，佢哋話晒都要爭冠，當然會搏甩髀，但主Ｗ熱至1.58倍，值博率偏低，唔建議大家落注。
雙方四次碰頭全大

大阪櫻花領先尾三大阪飛腳四分，護級壓力未除，仲未可以踢風流波，佢哋前仗作客另一爭標分子仙台維加泰唔使輸，戰鬥力絕對唔弱！

櫻花中場有巴西名將森比斯奧在陣，順起上嚟唔怕任何對手，大軍近兩次作客三箭贏晒，包括前季作客贏五比○，完全唔怕對手，結合兩隊近四次碰頭全大，今場最好玩大盤！