格雷特紐倫堡宿細打吡

猪拉多纳

今日同大家研究巴伐利亞州打吡，格雷特霍夫主場對紐倫堡（周六晚10時30分開賽），Oliver跟咗德國各級別聯賽多年，一直冇諗過格雷特霍夫可以喺德甲比賽，雖然佢哋過去不斷努力嘗試，喺德乙亦踢咗好多屆出色嘅賽事，但每每去到重要時刻都功虧一簣，不過嚟到德甲第50周年終於一償宿願，實在值得高興。
兩市郊區名人輩出

格雷特霍夫有悠久歷史，雖然今季只係首次喺德甲亮相，其實佢哋早在1914、1926同1929年度已經贏過德國最高級別聯賽冠軍，只係當時格雷特霍夫個名叫做SpVgg（Spielvereinigung Furth）。格雷特霍夫同紐倫堡、拜仁慕尼黑同屬巴伐利亞州，當中格雷特霍夫對紐倫堡嘅打吡戰，對當地球迷嚟講意義更大，因為兩會基本上係黐到實，甚至有幾條街道貫通晒兩市。講起呢兩個城市，就要提吓佢哋嘅郊區黑措根奧拉赫，因為呢度曾經出過嘅猛人包括達斯拿兄弟——魯道夫同阿道夫分別係著名運動品牌Puma同adidas創辦人，而前德國球星馬圖斯亦喺呢度出生。
雙方下季隨時乙組見

講完歷史講番波，呢場波其實乏善可陳，格雷特霍夫無論級數同火候都未夠德甲水準，大部分球員欠缺經驗，有經驗嘅如艾沙姆之流又已經過晒氣。至於紐倫堡喺教練赫基手上亦愈嚟愈令人失望，計人腳唔應該咁差，但佢哋嘅足球缺乏創造性，經常令人睇到昏昏欲睡，所以話唔定呢兩隊波下季嘅打吡會喺德乙進行。

今戰雙方都會特別認真，但同時亦會特別謹慎，紐倫堡平均質素稍秤先，但格雷特霍夫有主場之利，形勢拉勻，Oliver預期冇乜交收，入球細係投X首選，紐倫堡近5次作客格雷特霍夫和咗4次，想博較好分頭可以諗埋和波。
Oliver推介

格雷特霍夫細★★★★

多蒙特上盤★★★★

慕遜加柏下盤★★★