熱刺鬥拉素話題「大」戰

猪拉多纳

加斯居尼飛意大利睇波

「肥仔嘜」嚟啦！拉素今晚喺歐霸盃J組主場對熱刺，玩1.95倍入球大最着數！賽前有消息話，加斯居尼改變主意決定由英國飛到意大利睇波，搞到呢場波成為傳媒焦點，相信嚟緊又有2,000萬鎊擴軍嘅熱刺領隊保亞斯，應該會做齣好戲同老細交代！

（有線61、64、201及204周五凌晨2:00直播）
保亞斯為飯碗唔攻唔得

正所謂肥仔都有知心友，加斯居尼以往効力拉素同熱刺被視為偶像級球星，所以佢錯過熱刺主場對拉素後，「藍鷹」最近又邀請佢睇波。起初「肥仔嘜」話有事想甩底，但最新報道話佢會入場，要知道熱刺近5場得1勝4負，假如領隊保亞斯唔想再次極速被炒，就要趁呢場話題大戰挽回高層信心。

事實上，熱刺好重視今屆歐霸盃，基本上用強陣出戰，而且射手艾迪巴約喺上場對阿仙奴攞紅牌後，應該會喺呢場嚟料洗脫佗衰家污名，即使中場迪比利未好番，相信熱刺都會踢得好好睇睇，如果唔係，教頭保亞斯點好意思拎2,000萬鎊喺1月轉會市場買人呀？

現時拉素以8分暫列榜首，領先熱刺2分，今場和都無妨，不過對手熱刺唔係咁諗，恐怕呢場駁火機會大。另外，高路斯話自己有傷缺席德國對荷蘭嘅熱身賽後，其實跟手已經喺聯賽對祖雲達斯正選上陣，有呢位射手壓陣，玩入球大點都穩陣啲。
藍鷹歐戰主場醒

‧「藍鷹」拉素近6場歐洲賽主場贏5場。

‧拉素過去13次對英國球隊得3勝4和6負。

‧熱刺以往8次對意大利球隊得3勝3和2負。

‧熱刺近6場有5次開入球大。

‧熱刺連續8場有失波。

歐霸盃J組

佳得乐

佳得乐