紅魔Hea得放生加拉塔沙雷

猪拉多纳

今屆歐聯分組賽唔經唔覺已經踢咗4輪賽事，剩番最後兩輪畀列強搏殺，咁多隊英超代表當中，只係得曼聯靠得住，佢哋喺H組唔單止4戰全勝提前晉級，仲鎖定埋首名資格，夠晒條件大踢風流波。今晚佢哋作客土耳其加拉塔沙雷嘅「地獄主場」，就有6名主力冇隨軍，倒不如博2.1倍主W。

（有線64及204周三凌晨3:45直播）
曼聯篤定首名 6星冇隨隊

曼聯係今屆歐聯分組賽唯一全勝之師，由於已經篤定首名，經驗豐富嘅費sir當然識做，隨即唔帶射手尹佩斯、朗尼、中場史高斯、傑斯、中堅里奧費迪南及門將迪基亞6名主將，雖則話「紅魔」後備席仲有查維亞靴南迪斯呢類好波之人，但從上場聯賽作客不敵諾域治所見，一眾球員已經疲態盡現，家陣又要飛去土耳其比賽，戰意不足要贏並唔容易。
加拉塔沙雷靠地獄主場搵食

加拉塔沙雷雖然係土耳其勁旅，但昔日霸氣已經收斂咗，好在佢哋個「地獄主場」氣氛依然熾熱，球迷出晒名夠癲，算叫做有啲地利！佢哋上輪贏咗克盧日之後已升上小組次席，最後兩場波非常關鍵，今場為保出線資格，肯定如狼似虎。
頂占筍盤：加拉塔沙雷（勝）

歐聯H組