燦美爾快車強搶華素爾

猪拉多纳

周三凌晨除咗歐聯，仲有英甲快車，其中榜首球隊燦美爾主場將對華素爾。上輪聯賽燦美爾以○比一不敵米爾頓凱恩斯，但領隊朗尼摩亞話唔失望，事關米爾頓凱恩斯同屬有實力球隊，燦美爾根本冇十足把握，不過今次面對弱隊華素爾，相信燦美爾可回復「一哥」本色，主W開出機高。

（周三凌晨3時45分開賽）

燦美爾今季演出穩定，聯賽勝出場數已達11場。回顧上季燦美爾都只係贏得十四場，可見今季進步幅度有幾大。實在領隊朗尼摩亞之前執教過燦美爾都有唔錯成績，今季重返球隊當然希望帶領隊球升班，可以講球員搶勝鬥志一定冇問題，亦毋須為上輪聯賽之失而太過介懷。
燦軍慢熱要埋「半和」

反觀客軍華素爾已多場不勝跌落積分榜下游，球員士氣嚴重低落，今場作客難與榜首球隊抗衡。至於對賽往績上華素爾亦缺乏支持，今場難免會被睇淡。另外，燦美爾一向表現慢熱，今場除主W可捧之外，「半場和」都可留意。