卡利亞里「客勝」得「米」

猪拉多纳

藍黑兵傳減薪士氣曳

國際米蘭今晚喺意甲主場對卡利亞里，好難話W硬。消息話中國財團向國米注資5,500萬歐元（約5.5億港元）嘅計劃有可能告吹，老細莫拉堤已經下令要史奈達減薪3成續約，球員擔心減人工好難踢好波，不如冷敲卡利亞里「讓球客勝」。（開賽時間：周日晚10:00）

雖然國米嘅39歲隊長辛尼迪證實會續約，下季繼續領軍，中場史奈達、菲臘比古天奴、後衞森美爾同蘭奴捷亞分別傷勢好轉，但由於中國財團向國米注資計劃，因為審批問題被拖住甚至可能流產，或者因為咁，國米已經要求史奈達接受年薪由600萬歐元減到400萬歐元續約。
中國財團注資計劃Hold住

減完1個，其他球員自然都會成為開刀目標，國米喺國際賽期前以2:3慘負阿特蘭大，10連勝走勢告終，話唔埋同減薪消息動搖軍心有關。另一方面，卡利亞里牌面當然輸蝕，但佢哋勝在守得，近6場有4戰保持清白，趁住國米受到減薪風波影響，話唔埋爆得出成功搶分。