馬體會W穩陣

猪拉多纳

法卡奧回歸，格蘭納達報恩

做人嘅嘢，最緊要係知恩圖報！CF格蘭納達上季尾可以逃出生天，全因馬體會喺煞科日靠「老虎」法卡奧射爆維拉利爾贏1:0，據聞格蘭納達嘅市民同球會上下都當「老虎」係恩人。今晚「老虎」率領馬體會喺西甲大戰回歸，出訪CF格蘭納達，力奇深信無論係為報恩，定話計實力，呢個1.65倍客W都應該走唔甩。（now632台周一凌晨2:45直播）

捱咗35年先升到上西甲，格蘭納達上季幾乎即刻做升降機落番乙組，話說喺上季煞科日佢哋作客臨尾香輸畀華歷簡奴0:1，正當全場球員同球迷都以為死梗嘅時候，另邊廂卻傳出法卡奧入波帶領馬體會1:0險勝維拉利爾，最後係「黃色潛水艇」潛落乙組，格蘭納達可以留喺西甲。
上季留級多得「老虎」射死維拉利爾

格蘭納達依家全市都視法卡奧同馬體會係恩人，事關球隊留得番喺甲組，每次比賽都帶旺當地商舖同酒店嘅生意，再加埋球會嘅收益，保守估計每年全市將會收多2,800萬歐元（約2.8億港元）。當然，力奇唔敢講話呢班波今晚一定會放水，但佢哋近排主場連輸兩場，加上中場施古爾拉、謝美羅美路同守將美恩斯都缺陣，想爆冷都冇本事啦！

馬體會依家排第2，今季表現的確有料。之前佢哋喺西甲、歐霸盃經歷兩連敗，但上周聯賽總算及時復甦，贏基達菲2:0止血。球隊上下一心，鬥志十足，射手法卡奧喺周中踢完國際賽，由美國飛返西班牙馬德里，一落機就唔係返屋企，反而係去單獨加操1粒鐘，有呢位球星孭飛，要贏波話咁易。