費倫夠料o趙阿特蘭大

猪拉多纳

今季香港球迷冇得睇意甲，但呢個賽事喺亞洲地區始終都有市場，中國內地朋友對意大利波特別有感情，咪以為淨係得英超先多人睇呀！今次推介場意甲波，費倫天拿主場對阿特蘭大，捧主隊！

（周日晚10時開賽）

意甲今季睇落係祖雲達斯同國際米蘭之爭，其餘球隊方面，睇落費倫天拿有機會爭入前列，呢班波本身人腳唔錯，近期踢起個勢，上次作客贏AC米蘭進一步證明實力，依家班球員打起信心，短期內仍可跟進。阿特蘭大近況都好，但級數始終唔及對手，而且作客評級偏低，今場惡唔出樣！
利雲特作客拉科有冷味

同日西甲早場拉科魯尼亞主場對利雲特，拉科位列下游，開季演出一般，現時實力評級係西甲低下層，欠缺上升潛力，睇怕都係要護級。利雲特就唔同喇，呢隊波好鬼硬淨，上次鬥皇馬打得好，敗不足辱，呢場敗仗竟然換來理想分頭，今次受讓好着數，必捧下盤！

（now 632周日晚7時直播）