銀行隊卡坦尼亞熱W有基

猪拉多纳

意甲卡坦尼亞主場鬥基爾禾，目前排喺聯賽榜第8位嘅卡坦尼亞係Ali今季嘅銀行球隊，深感佢哋嘅演出同真正實力比現時成績所反映更好，下季隨時有得踢歐洲賽；相反基爾禾質次一皮注定護級，何況卡坦尼亞主場踢高一皮波，1.7倍主Ｗ可望手到拿來。（周日晚10時開賽）

卡坦尼亞今季喺教練馬蘭手上無論鬥志同演出每輪都有進步，佢哋喺西西里島主場表現特別出色，至今6戰4勝1和，贏唔到嗰兩場分別和勁旅拿玻里同僅敗畀榜首祖雲達斯，但兩仗失分都有被球證搶劫感覺，計演出根本不遜對手。球隊今季最弱一環係作客失波多，但上輪作客面對卡利亞里都保持不失，足見連防線都不停改進，睇番上次主場4比0大炒拉素更加係巔峰之作，只要維持該役水準，喺意甲頂得住佢哋嘅球隊根本唔多。
基爾禾意甲作客最差

至於基爾禾喺Ali眼中係今季意甲其中一支最弱球隊，雖然較早前換咗教練，但欠缺經驗嘅新帥哥連尼仲未能夠為球隊止跌。呢班波最大問題係作客奇差，至今5戰全敗共失14球，無論積分同失球數字都係意甲最差，今仗仲有後防主力尼高拉斯費爾、保羅柏普因傷缺陣，中場馬高列干尼停賽，而最重要嘅防守中保斯贊施薩同守將達美都因傷上陣成疑，陣容不整，睇怕都幾難終止作客全敗走勢。
Ali 推介：

卡坦尼亞勝 ★★★★★

國際米蘭大 ★★★

帕爾馬讓球勝 ★★★