米倫拿列奧高原執「甘」

猪拉多纳

南美球會盃8強次回合聽朝又有直播好戲，甘美奧嘅教練盧森保高扭計唔續約，難免影響軍心，米倫拿列奧喺主場再遇甘美奧有機會贏番次。（有線61及201周五早上8:15直播）

最近有消息話巴甲次席嘅甘美奧，打算將主場冠名權同波衫大廣告，打包賣畀中國工商銀行，換取每年1億元人民幣贊助費。可惜教頭盧森保高可能覺得自己有市場，即使高層開到口，佢都拖住唔續約，都幾打擊士氣。另邊廂米倫拿列奧目前喺哥倫比亞聯賽高踞榜首，射手雲泰利亞曾經以外借身份効力山度士，熟悉巴甲球隊打法，上輪佢哋就係兩回合以4:3搞掂彭美拉斯，況且哥倫比亞城市波哥大位於高原地區，甘美奧未必惡得出樣！

首回合：米客負0:1