加蓬趁C朗缺陣嗒葡萄

猪拉多纳

葡萄牙作客非洲加蓬缺C朗！皇家馬德里球星基斯坦奴朗拿度日前在西甲聯賽眼部受傷，據葡萄牙隊醫表示，C朗眼角及眼睛都有瘀血，受傷至今一直感到痛楚，腫脹部位會阻礙視力及產生頭暈症狀，未來72小時對C朗好關鍵，暫時絕不適宜上陣，以免令傷情惡化。
加蓬非國盃有辦睇

除C朗外，葡萄牙仲有米基爾維洛素及祖奧彭利拿因傷缺陣。基於傷患問題頗為嚴重，故葡萄牙已補選馬里迪莫球員魯賓費拉拿及布拉加中場維亞拿，球隊殘陣出擊，入球能力一定會下降。加上葡國近況都係一般，上仗面對實力較次嘅北愛爾蘭都未能勝出，今場作客非洲絕對難踢。加蓬於剛過去非洲國家盃有不俗演出，係進步中嘅球隊，今晚趁C朗缺陣必決心打老虎，捧「讓球主勝」之餘，細盤亦值得留意。

（有線155台周四凌晨3時30分直播）