波童創富坊

猪拉多纳

日乙煞科不死鳥肉緊

項目︰第一隊入球 推介︰京都不死鳥

日乙今日煞科，排第二嘅京都不死鳥主場只要擊敗甲府風林，便毋須理會其他戰果，取得另一個直接升班資格。由於排第三嘅湘南比馬至第五位嘅FC橫濱，仍有機會趕過不死鳥，故此不死鳥今場唔可以放鬆，一定力爭首個士哥穩定軍心。甲府風林已穩奪冠軍及升班資格，再加上首席射手達維今仗坐波監，戰鬥力大減，第一隊入球熱捧1.61倍「主隊」。

（周日中午12時開賽）
項目︰半全場 推介︰里昂客客

法甲索察主場鬥里昂，雙方近十次交手從未試過打和，當中有八次勝方由頭贏得尾，開出「半勝全勝」，里昂對賽成績佔優，取得八勝兩負，球隊上周中於歐霸盃作客擊敗畢爾包，已經篤定取得小組出線資格，如今可集中火力應付聯賽。索察對上五次輸波都係半場已落後，半全場建議捧「客客」。

（周一凌晨零時開賽）
項目︰波膽 推介︰艾斯杜尼1:0

有留意開葡超嘅朋友，都知呢個聯賽好易開細，細盤賠率周時徘徊在1.4倍至1.6倍，就算中咗都冇乜肉食，不如博細波膽好過。今輪葡超艾斯杜尼主場對摩里倫斯，兩軍狀態、攻力都一般，相信都係一球決定勝負，艾軍上仗贏波士氣提升，主場出擊有優勢；摩軍本季五次輸波，有四次都係輸0比1，所以今仗博艾斯杜尼贏1比0好路。

（周一凌晨零時開賽）
項目︰單雙 推介︰士砵亭單

今輪葡超有場「褪色大戰」，士砵亭主場對布拉加。士軍本季戰績曳絕，目前於榜下游苦苦掙扎，但正所謂爛船都有三斤釘，今次遇強必落力爭勝。布拉加剛於歐聯輸波，今次造訪士軍必有一番惡鬥。睇番雙方近十次交手戰績，竟然全部分出勝負；而當中九次係以一球差距分勝負，所以今次要吼「單」！

（周一凌晨4時15分開賽）
巴甲富明尼斯或提早封王

項目︰半場主客和 推介︰彭美拉斯半場和

今季巴甲有個特色，就係好多球隊都採取後發先至的比賽策略，當中今晚彭美拉斯對富明尼斯，前者正為護級而努力，戰略係上半場最緊要穩陣，下半場先同你死過。富明尼斯貴為一哥，若果今仗贏波，而次席的明尼路失分的話，富明尼斯便提早封王，因此必踢得謹慎，加上該隊近十一仗於客場，竟有九次開出半場和，今仗半場和值得留意。

（now 633周一凌晨3時直播）