阿仙奴呢鋪「大」劑！

猪拉多纳

富咸上齊架生踩場

今晚繼續有「倫敦打吡」上演，阿仙奴主場鬥富咸。論牌面，阿仙奴係高啲，不過「兵工廠」攻強守弱，對家富咸又有貝碧托夫領軍，咁嘅環境，都係捧1.59倍入球大至穩陣！

（有線200及300、廣東體育周六晚11:00直播）
富咸火力僅次車仔紅魔

講真，阿仙奴班球員質素係好高，但佢哋先喺上周中聯賽盃同雷丁鬥足120分鐘，到上周末作客奧脫福，跟住又要去德國鬥史浩克04，完全冇得抖，而且「兵工廠」仲有基蘭基比斯、阿歷士張伯倫、施捷斯尼同謝雲奴等傷兵，中場核心韋舒亞今仗又要坐波監，守將華美倫更連環送大禮，唯一慶幸係禾確特復任正選後交足貨，新兵基奧特亦愈踢愈對辦，阿仙奴防守唔掂啫，入球能力依然有保證嘅。

富咸今季重整鋒線，貝碧托夫、柏歷同洛達列加都係高質前鋒，所以富咸依家揸住21個入球，係英超鋒力「三哥」，僅次榜首嘅曼聯同車路士。係呀，富咸同阿仙奴一樣鋒力好強，之但係防守一樣麻麻呢！淨係睇佢哋今季作客5戰失12球，已經知咩事啦！今場倫敦打吡個入球大有1.59倍，抵撐啦！
頂占筍盤：阿仙奴（入球大）