逆轉魔王「客」爆維拉

猪拉多纳

維拉公園今晚爆發激戰，阿士東維拉坐鎮主場迎戰曼聯。維拉近季不斷有主力離隊，實力唔掂，好衰唔衰，佢哋今晚嘅對手係曼聯，須知「紅魔」弗到冇朋友，落後一樣反咬你3、4粒，區區維拉，又點頂得住呢隻「逆轉魔王」吖，捧曼聯2.15倍「讓球客勝」啦！

（有線200及300、廣東體育周日凌晨1:30直播）
維拉公園冇威力

維拉近季要錢唔要人，占士米拿、巴利、艾舒利楊格同希斯基等主力先後離隊，搞到名帥奧尼爾同老細儂拿反晒面，最終「智多星」喺上季唔撈，前隊長柏杜夫又解甲專心養病，維拉自此由以往嘅爭歐戰分子，正式變成護級弱旅，今季佢哋10戰僅得2勝排喺尾4，一啲都冇令「張峰」意外囉。

主力走人、補上嘅球員未夠班，維拉想護級成功真係難啲，咪以為「張峰」講到咁遠咁誇張，大家留意吓以往維拉最引以自豪嘅主場成績，今季4戰得5分，對手仲要大部分係中下游球隊，實力強啲嘅愛華頓嚟到就輕輕鬆鬆贏3:1，今晚對手換上曼聯，想輸少粒都唔得啦！
曼聯強鋒霸氣十足

講開尹佩斯，「張峰」真係不得不寫個服字。呢位荷蘭射手今季嚟到曼聯，有班好隊友為佢鋪橋搭路，入波梗係得心應手啦！周中歐聯作客布拉加，尹佩斯就後備落場貢獻咗個世界波，加埋愈嚟愈成熟嘅朗尼、「新蘇斯克查」查維亞靴南迪斯，我敢講，「紅魔」鋒力一定冠絕英超。

「紅魔」最恐怖嘅地方，係佢哋今季踢咗16場波，當中有9次先落後，但竟然有7場「大逆轉」反勝對手，撇除球證因素，淨係呢份永不言棄嘅精神，都已經值得尊重。既然曼聯咁難先喺車仔手上搶到個一哥位，相信佢哋唔會再大意， 就算拿尼養傷10日，莊尼伊雲斯鼠蹊有事未必落得場，今晚曼聯依然值得撐，要「讓球客勝」啦！
曼聯踢完歐聯例開W

‧曼聯今季3次出戰歐聯後，重返聯賽戰線全部贏晒。

‧維拉近6次主場對曼聯都未贏過，淨係攞到3和3負成績。

‧曼聯今季10場聯賽有9場開入球大。
長追紅魔大+W執到笑

唔理曼聯係咪有球證偏幫都好，事實上，「紅魔」今季10場聯賽就贏咗8場、連續9場開大，追佢哋贏波同大盤真係執到笑。對家阿士東維拉最近6次喺維拉公園球場對「紅魔」未贏過，曼聯食住對手，強捧客W之餘，2.15倍「讓球客勝」同1.59倍入球大亦博得過。
張峰來料：曼聯（讓球客勝）