緬恩斯鐵三角惡晒

猪拉多纳

近６次主場收紐冇失過拖

今季德甲多支中游球隊戰鬥力拉得十分接近，而且演出極度反覆，冷門賽果激增，不過今晚獨腳戲緬恩斯主場鬥紐倫堡，主隊狀態已全面回勇，加上強勢主場出擊，主Ｗ開出機會依然較高。

（有線64及204台周六凌晨3時30分直播）

緬恩斯季初一度陷於困境，不過少帥杜曹確有辦法，經過反覆試陣後，近期將進攻重任交託予奧地利好波之人艾雲舒捷斯、活力十足嘅尼古拉梅拿同弗爆射手施沙拉爾三人，其餘球員更專注防守，踢法簡單效果卻出奇理想，前兩者頻頻助攻，幫助施沙拉爾在近5場聯賽合共轟入6球，球隊則取得3勝1和，雖然上仗作客不來梅在雨中對攻下輸1比2，但全場演出與入球機會都不下於對手，最終僅敗稍欠運氣，今仗重返已3連勝嘅主場迎戰弱旅，有信心重返勝軌。
紐倫堡作客狂瀉

已沉淪一段長時間嘅紐倫堡上仗突然回勇，主場一球小勝禾夫斯堡，但比賽水準相當一般，主因是禾堡嚴重失準，比賽雙方都無法好好組織，最終紐倫堡只把握到禾堡多次失誤嘅其中一次而贏波，但球隊演出仍未能令球迷滿意，教練赫基聽到嘅喝倒采聲音已愈來愈響。紐倫堡本身進攻瓣數不足，作客防線又欠穩，近期作客已3連敗，近4場作客共失10球，加上自05年至今，近6次作客緬恩斯全敗，今晚亦恐難全身而退。