皇馬滅蜂報仇

猪拉多纳

傷兵回歸打爆黑仔多蒙特

歐聯死亡D組重頭戲繼續上演，上輪多蒙特喺主場擊敗皇家馬德里，今晚輪到皇馬喺巴拿貝還擊。多蒙特嘅基爾爆鼻要帶傷上陣，皇馬上場有守衞艾比路亞復出，陣容更添完整復仇味濃，2.05倍「讓球主勝」係心水推介。（有線61及201、中央5台周三凌晨3:45直播）
艾比路亞好番防線更穩

畀《福布斯》評為僅次紐約揚基、曼聯之後，成為世界第三最有價值球會嘅皇馬，早前經歷後衞荒，馬些路受傷影響唔細，但教練莫連奴一手湊大嘅艾辛今季由車仔加盟後，表現愈來愈好，就算客串左閘一樣交足功課，上場聯賽更取得入球。今仗皇馬有已經復出嘅艾比路亞踢番左閘，艾辛回歸慣常嘅防中位置頂替基迪拉，同重披戰袍嘅沙比阿朗素合作，皇馬成條防線當堂整齊番。以佢哋近兩周聯賽入9球兼一球不失嘅氣勢，要喺主場復仇重返小組榜首話咁易啦！
基爾爆鼻戴面罩上陣

多蒙特上輪擊敗皇馬後，出線形勢大好，不過教練高普都知要喺巴拿貝搶3分提早出線唔容易，況且球隊板櫈深度唔夠，巴拉斯塞高斯基繼續養傷，上場波撞爆鼻嘅基爾又要戴面罩頂硬上，連埋佢在內，近幾個月多蒙特戰將連番「毀容」，曉姆斯、蘇保迪同施雲賓達都先後「中頭獎v破相，「蜜蜂兵團」咁黑仔似乎唔多捧得過。

經驗豐富嘅高普當然識得計數，要將兩線作戰對多蒙特嘅影響減低，要搏都等之後主場對曼城同作客阿積士先搏啦，所以張峰對皇馬今晚復仇成功好有信心，一於撐「讓球主勝」睇好戲。

歐聯D組

張峰來料：皇馬（讓球主勝）
皇馬歐聯主場7連勝

‧皇馬喺巴拿貝出戰歐聯已7連勝，合共攻入27球。

‧皇馬歷史上23次主場對住德國球隊取得18勝3和2負成績。

‧多蒙特過去8次出征西班牙，錄得1勝2和5負成績。
博皇馬由頭贏到尾開「主主」

皇馬喺歐聯作客輸畀多蒙特後，返番聯賽即刻搵馬略卡同薩拉戈薩祭旗，合共射入9球兼1球不失。至於由副選掛帥對艾高恩奴嘅西班牙盃，喺賓施馬梅開二度下亦以4:1大勝。皇馬呢3場波其中一個共通點就係由頭帶到尾，既然佢哋喺歐聯主場已經7連勝咁勁，就力捧1.95倍「主主」啦！