曼城技高作客照扑錘

猪拉多纳

衞冕英超嘅曼城，本周將作客倫敦球隊韋斯咸。曼城今季只喺歐聯輸波，英超仍然保持不敗身，相信領隊文仙尼仍會以聯賽2連冠為今季最大目標。度士唔會質疑曼城今場嘅爭勝能力，就算有歐聯後顧，亦唔會影響球員嘅爭勝決心。今場曼城作客讓半一，度士對上盤仍然有信心。

（有線300及200台周日凌晨1時30分直播）

「錘仔幫」韋斯咸已經走到上積分榜前10，不過近期所擊敗嘅對手如修咸頓及昆士柏流浪只係下游球隊，對於韋斯咸唔算有太大考驗。事實上兩隊質素都有一大段距離，韋斯咸單憑主場未必搞得掂曼城。當然讓球盤方面客隊讓得比較多，球迷如果擔心曼城贏唔夠兩粒，亦可轉玩客W，都係個唔錯嘅選擇。