錫耶納鬥巴勒莫撐主Ｗ

猪拉多纳

意甲榜尾大戰錫耶納主場對巴勒莫。巴勒莫上個月已經換上加斯柏連尼執教，但改善幅度唔明顯，上任後５仗只得1勝。錫耶納戰績亦唔係好得幾多，但考慮到今仗有主場之利，有力Ｗ番場。

（周日凌晨零時開賽）

錫耶納３連敗係事實，但其中兩場嘅對手係勁旅祖雲達斯及拉素，輸得合理。但今輪對住同級球隊巴勒莫，錫耶納可以盡情發揮。實在錫耶納本年２月已曾大炒過巴勒莫，今次再贏都好正路。巴勒莫屬於小島球隊，主強客弱特性未變，今場難對主隊造成太大威脅。
ＡＣ夠贏熱拿亞

至於凌晨時段就有ＡＣ米蘭主場對熱拿亞，兩支球隊關係非比尋常，兩方球員經常互調，如今ＡＣ有難，熱拿亞自然會伸出援手。就算撇除陰謀論，ＡＣ近年喺聖西路對住熱拿亞都係贏多輸少，「紅黑兵團」心理上佔優。ＡＣ米蘭大紅人艾沙拉維已經講到明對住舊球隊絕唔會留手。另外巴西前鋒柏圖已經康復，ＡＣ米蘭攻力有所提升，「讓球主勝」開出機會高。

（周日凌晨２時45分開賽）