利華客Ｗ迅速落袋

猪拉多纳

歐霸盃K組奧地利球隊維也納迅速主場對德國利華古遜，兩國無論係國家隊定係球會比賽，每次交手都係打吡戰，但今仗賽果唔難估，利華古遜無論實力同近況都佔壓倒性優勢，1.54倍客W係信心之選，進取可以博埋2.52倍「讓球客勝」。

（有線63及203台周五凌晨1時直播）
迅速兩線作戰都咁沉

奧地利球隊每次主場對德軍都踢高一皮波，今場比賽安排喺維也納恩斯特哈普爾球場舉行，呢個球場上個月至踢完世界盃外圍賽，結果實力強橫嘅德國到訪，都只係小勝奧地利2比1。不過，喺Macot眼中，今晚對戰雙方目前嘅戰鬥力差距，甚至比起奧德之戰更遠，維也納迅速係奧地利其中一支富有歷史嘅傳統勁旅，不過黃金歲月已係陳年舊事，近期成績都慘不忍睹，喺實力平平嘅歐霸盃K組對過兩支最弱球隊，結果主場不敵洛辛堡，作客又輸畀米達列斯，已經喺出局邊緣。除咗歐霸盃，迅速近期喺奧甲聯賽一樣低迷，聯賽主場只能逼和包尾嘅馬納，搞到球迷幾乎暴動，上仗打吡大戰0比2不敵奧地利維也納，更加輸到冇晒士氣，以現時狀態同士氣，遇強隊根本連頑抗嘅本錢都欠奉。

利華古遜質高一皮，呢支目前德甲前5名球隊，近期喺各項賽事已保持7場不敗，近5場賽事共取得10球，加上佢哋向來十分重視歐霸盃，Macot深信佢哋會強陣求勝，今場客軍利華古遜贏面高唱入雲，波膽我估1比3。
Macot推介：

利華古遜勝★★★★

拉素勝★★★

布加勒斯特星隊大★★★