弗爆拜仁喪攻做瓜「里」

猪拉多纳

今晚歐聯F組有榜尾嘅里爾迎戰德甲班霸拜仁慕尼黑，客軍喺聯賽勢如破竹仲刷新埋開季連勝紀錄，就算嚟到作客環境，要炒起今非昔比嘅里爾根本冇難度，2.27倍「讓客」值得一博o架！（有線63及203、中央5台周三凌晨2:45直播）
里爾歐洲賽冇料到

記得里爾喺前季攞法甲冠軍時，踢法的確幾悅目，但隨住謝雲奴、夏薩特等主力接連被捤挖角，無論皮耶定路蘭洛斯都未能擔大旗，家陣已經判若兩隊。而且佢哋踢親歐洲賽都冇乜好結果，近10場歐聯賽事淨係贏過1場，加埋右閘迪保治停賽，對住拜仁輸少兩球已經偷笑喇！

拜仁慕尼黑啱啱喺德甲破紀錄獲得開季8連勝，兼且喪入26球火力夠晒恐怖，單計文迪蘇傑同列貝利兩個近5場夾埋入咗7粒，已經比里爾全隊近5場嘅入4球多成倍咁滯，真係冇得比o架！而且拜仁專剋法國球隊，近4次喺歐洲賽對戰全勝兼1球不失，無論往績定近況都贏晒，唔係唔炒鑊甘下嘛？

歐聯F組
歐聯賽制

32支球隊分8組進行雙循環分組賽，每組首、次名躋身16強淘汰賽，第3名轉戰歐霸盃。