沙特吉達打吡艾阿里贏「德」

猪拉多纳

亞冠盃4強首回合「沙特吉達內戰」今晚搶閘爆發，伊蒂哈德喺兩隊共用主場對吉達艾阿里，平手未必有着數，事關伊蒂哈德喺16強後突然換血，難免影響軍心，對家吉達艾阿里有捷克名將查洛林老竇卡里爾查洛林領軍，隨時爆得出！（now671台周二凌晨1:00直播）

伊蒂哈德係04年、05年兩屆亞冠盃冠軍，8強又搞掂由名牌教頭納比執教嘅廣州恒大，但出奇地，首回合佢哋竟然唔使讓，完全唔似被莊家睇好。唯一可以解釋，可能係伊蒂哈德喺16強後踢走阿爾及利亞射手施亞耶同剛果共和國前鋒安達馬，成為爭勝隱憂。
伊蒂哈德大換血

事實上，大連阿爾濱中場麥巴美同華斯高中場迪亞高蘇沙加盟後，表現唔算搶鏡，上一圈伊蒂哈德兩回合計以5:4打沉恒大，佢兩個得麥巴美喺首回合貢獻1個入球，何況作為精神領袖嘅36歲中堅達卡又坐波監，可能會導致伊蒂哈德後防出事。

另一方面，吉達艾阿里嘅阿曼射手賀斯尼、阿根廷前鋒迪亞高摩拉利斯同哥倫比亞中場柏路明奴，總算係國腳級人馬，當中賀尼斯同迪亞高摩拉利斯喺8強次回合淘汰沙巴罕，攜手攻入3球，配合教練卡里爾查洛林嘅歐洲式戰術同紀律，有機會砌低死對頭。
亞冠盃賽制

今場為4強首回合，採主客兩回合制，兩回合總比數打和計作客入球，再和則在次回合90分鐘後加時30分鐘，再和則互射十二碼分勝負。

好久没做猪