阿根廷大舉征伐智利

猪拉多纳

世盃南美洲區外圍賽，智利主場迎戰阿根廷，主隊中後場三大主力齊齊坐波監，殘陣對住阿根廷球王美斯實死冇生，今戰有機會被大炒，1.82倍大盤屬投X首選。

（周三早上8時05分開賽）

智利上次對住厄瓜多爾輸一比三，守將柏保路干查拉斯及中場重心維達爾領紅，左閘奧斯華度干沙利斯累積兩張黃牌，三條友今場坐波監，一下子失去三個中後場主力，防線人腳嚴重不整。大軍前線擁有巴塞球星阿歷斯山齊士，仲有曼聯新星安祖路軒歷基斯，有反擊之力，只怕後面又連番失守咋。
美斯領炮火兵團強攻

阿根廷情況就唔同喇，王牌球星美斯延續球會勇態，上場對烏拉圭梅開二度，又入靚罰波，腳風順到冇朋友！大家唔好忘記，阿根廷仲有阿古路、希古恩同迪馬利亞等星級攻擊球員，呢個恐怖進攻團隊威力強勁，可望輕鬆撕破智利條豆腐防線，大勝機會甚高，大盤值得捧場。