C朗百戰葡軍非炒北可

猪拉多纳

F組葡萄牙返回主場鬥北愛爾蘭，葡軍上仗作客俄羅斯，受天雨問題影響地面推進踢法，僅負0比1輸得唔抵，全隊谷住一肚氣，勢必搵弱旅北愛爾蘭當出氣袋，盡情發洩。北愛作客表現奇差，而且遇強即屈，近期對名牌球隊往往慘敗收場。即使「讓球主勝和」葡萄牙讓二球，都要捧「讓球主勝」。

（有線155台周三凌晨3時45分直播）
北愛作客輸鑊甘

葡萄牙上仗有唔少入波機會，但未能好好把握，唔多唔少同場地濕滑有關，球員心理上難免覺得輸畀個天而唔係輸畀對手。特別係基斯坦奴朗拿度好勝心極強，返到自己國家更加要做齣好戲。事實上，葡軍主客表現一向差異好大，例如上屆歐國盃外圍賽附加賽，作客同波斯尼亞互交白卷，返主場大勝6比2，今屆世界盃外圍賽首仗作客險勝魚腩盧森堡，次仗返主場贈阿塞拜疆3蛋。根據呢個單跳特性，葡萄牙今場好大機會可以淨贏3球或以上。

北愛爾蘭近年愈踢愈沉，作客已6連敗，包括0比3不敵意大利，0比6大敗於荷蘭腳下，甚至以1比4輸畀愛沙尼亞。今仗面對矢志求勝嘅葡萄牙及第100次為國家隊上陣嘅C朗，勢成炮灰。