阿倫史密夫爆發平手撐米爾頓

猪拉多纳

國際賽期啲聯賽停晒，小妹自然多咗時間出街！若然各位想玩番兩手嘅話，今晚英甲有普雷斯頓主場迎戰米爾頓凱恩斯，客軍有老將阿倫史密夫發威值得捧，有力將聯賽不敗走勢延至7場，平手盤取1.84倍客勝。

（開賽時間：周日晚8:15）
普雷斯頓防線漏洞多

阿倫史密夫淪落到英甲嘅米爾頓凱恩斯後，唔少人都以為佢會一沉不起，但偏偏上場就係靠佢先逆轉敗局搶番1分咋！領隊卡爾羅賓遜唔止喺賽後大讚呢位老將，仲怒插球證唔識得保護不停受對手侵犯嘅史密夫，呢位教頭向球證投訴嗰陣得到嘅回應係：「佢踢過英超㗎嘛，應該頂得住嘅！」咁都得？難怪史密夫嚟個大爆發啦。

普雷斯頓上周中喺英錦標喪入4球淘汰英乙嘅摩甘比，但對住次級對手一樣失2球，防線唔多靠得住，加上佢哋比客軍少咗幾日時間休息，要全取3分真係難啲囉！