曼城打爭氣波博翻「新」

猪拉多纳

堂堂英超霸主兼億萬大軍，曼城喺周中歐聯幾經辛苦先逼和到多蒙特，你估班球星唔瘀o架？領隊文仙尼話已經知道衰嘞，有信心可以執番正隊波，今晚英超早場鬥新特蘭肯定大打爭氣波，一於撐曼城捧1.6倍「讓球主勝」。

（有線200及300、廣東體育周六晚7:45直播）
新特蘭騎呢防線靠唔住

先係英聯盃畀維拉淘汰，跟手對富咸就僅僅煲魚生粥，周中歐聯主場仲幾乎輸埋畀多蒙特，曼城呢期真係搞到唔少捧場客損手爛腳。之不過既然主帥文仙尼話有計走出困境，亨格比利就決定信多佢一鋪，畢竟曼城勝在兵源雄厚，周中冇落場嘅泰維斯、巴利同尼史葛預計會齊齊擔正，人腳同牌面都贏新特蘭幾條街。

雖然話新特蘭今季聯賽未輸過，但佢哋攻入嘅5球全部嚟自史提芬費查，一旦呢位左腳仔被凍結，「黑貓」就係咁先喇！仲有，新特蘭一對中堅係甩漏多多嘅巴布爾夥拍跌緊Watt嘅奧沙，格力加特拿亦只係客串右閘，條防線「騎呢」成咁，點頂得住矢志做番齣好戲嘅曼城先？輸鑊勁就有佢哋份！

好久没做猪