墨爾本打吡捧勝利

猪拉多纳

澳職今日正式開鑼，焦點除放在新加盟的迪比亞路、希斯基和小野伸二身上外，招牌打吡戰亦是一大重點。一直以來墨爾本市打吡都踢得好激，今日揭幕戰由墨爾本勝利主場對墨爾本雄心，我認為勝利只讓平半，上盤絕對可取。

（有線64及204台周五下午5時30分直播）

兩支球隊新一季各有所圖，勝利在經歷上季的失敗後，重金禮聘獅吼冠軍教頭普斯迪高路揸旗，而且又將昔日阿德萊德聯名將馬高斯科利斯由中超帶回，後防亦增添實用的米利根來配合隊長利查，前中後實力皆有增強，目標直指重奪總冠軍。而對手雄心最大改動，只是聘請昔日澳洲國腳艾萊斯來執教，希望打入季後賽。
雄心熱身賽大脫腳

不過，雄心於熱身賽並不順利，大敗於珀斯光輝及阿德萊德聯腳下。單以管理經驗而言，勝利新帥普斯迪高路畀到人信心，他帶領獅吼期間6戰雄心錄得3勝2和1負，加上勝利之後的賽程不好應付，如普帥能夠搶得開門紅，絕對有助自己立威。另今季亦有悉尼市打吡，聽說西悉尼流浪者就將今季主場平均目標入場人次定為每場5千人，以新球隊來說，相當進取。
英式風格有利製造角球

澳洲曾經係英國殖民地，足球亦充滿英式風格，多採長傳空襲，令防守球員有較多機會用頭槌頂出底線解圍，出現角球次數自然會較多，故澳職賽事嘅角球大值得注意。再者，澳洲球員一般都身材高大，技術亦較粗枝大葉，尤其後衞「頭腦簡單」，對付對手攻勢時，往往大腳解圍或者踢出底線，界外球同角球好易出現。

其中紐卡素噴射機今季簽下英格蘭柱躉式中鋒希斯基，應會大肆向對手採取高空轟炸，有利製造角球，值得跟進。