史浩克大起蒙彼利埃

猪拉多纳

B組史浩克04、阿仙奴鶴立雞群，兩軍分別主場出戰蒙彼利埃及奧林比亞高斯，贏波機會高，但捧W都冇肉食，史浩克嗰場寧要大盤！「藍軍」有法芬復出，配合亨特拉爾攻力勁，蒙軍首仗輸波後亦唔會縮，入波唔會少！

（有線63及203台周四凌晨2時45分直播）

史浩克本季走勢唔曳，但上場德甲作客杜塞爾多夫，半場領先兩粒最後都被逼和，教練史堤芬斯賽後躁到癲，今場回師主場打歐聯，肯定落柯打要贏鑊甘。球隊攻力一流，本季八戰入十九球，只有對班霸拜仁入唔到波，今次谷埋成肚火，勢要搵蒙軍發洩。蒙彼利埃雖續有前鋒烏達卡缺陣，但仍有蘇利文尼卡馬拉同貝漢達數胡，今仗捧大啱數。
阿仙奴「-1」要得過

阿仙奴近四屆歐聯分組賽，三次抽中同奧林比亞高斯同組，所以兵工廠好熟對手踢法，奧林比亞高斯好難爆冷。禾確特有傷在身今仗或缺陣，但普多斯基、謝雲奴都弗，基奧特亦漸入佳境，主場出擊唔只贏一粒。奧林比亞高斯級數有限，對上兩次去到酋長球場都輸，捧「讓球主勝」！

（有線62及202台周四凌晨2時45分直播）