帕爾馬唔赦冇牙ＡＣ

猪拉多纳

ＡＣ米蘭近期認真立立亂，教練阿里基盛傳與球員鬧翻，又話高層加利安尼對佢不信任，有意搵青年軍教頭恩沙基或副練泰索迪頂替。而最慘係老闆貝魯斯干尼都心灰意冷，與「俄氣」及意大利朱古力大亨費雷羅密會商傾賣盤事宜。現時ＡＣ米蘭軍心不穩，無論球員及教練都活於惶恐當中。所謂今日唔知聽日事，點會專心比賽爭取好成績。今輪意甲頭場由帕爾馬主場對ＡＣ米蘭，後者缺點多讓唔起主隊，今場可捧「讓球主勝」。

（周日凌晨零時開賽）

帕爾馬近況一般，但連仗遇到祖雲達斯及拿玻里等強敵無話可說。今場面對「冇牙老虎」ＡＣ米蘭，帕爾馬有望憑地利優勢取得分數。
中資入股國際米蘭

另外，同屬米蘭市嘅國際米蘭老闆莫拉堤最近同中國鐵建股份有限公司代表人共進午餐。據《天空電視》所述，今場「撐枱腳」與入股及承辦基建項目有關。其實雙方早喺八月已宣布合作，但合作細節要到十月先至辦妥。而去到十一月，國際米蘭股東大會就會宣布有新人進入董事局。至於《都靈體育報》則爆料，中鐵建除為國際米蘭修建新球場之外，亦會購入國際米蘭百分之十五股權，成為球隊股東之一。