流浪越3級挑戰未驚過

猪拉多纳

丙組球隊要讓超聯一哥？咁特殊嘅情況相信就只會喺蘇格蘭發生，格拉斯哥流浪呢隊非一般丙組仔，今晚喺蘇格蘭聯賽盃第3圈主場迎戰馬瑟韋爾，有機會越3級挑戰成功，2倍主W咪嫌熱。

（開賽時間：周四凌晨2:15）
馬瑟韋爾近9戰場場失波

流浪因破產被貶落丙組後，唔少主力都相繼離隊，但仲有老牌國腳麥高洛治及尼爾阿歷山大壓陣，就算擺喺蘇超應戰都夠入三甲。雖然佢哋喺丙組仲未顯示出霸氣，喺低組別盃賽更意外出局，但難得有機會喺蘇聯盃挑戰蘇超球會，一定會做齣好戲，賽前會方亦大事宣傳，預料主場約51,000個位會座無虛席，單係氣勢都勁到爆，面對近9戰都有失波嘅馬瑟韋爾，有機會贏波過關。
足球重心：格拉斯哥流浪（勝）、奧雷布洛（勝）

馬膽推介：5場（5）超綵

踏入今季第6個賽日，都係以熱過身嘅馬佔優，「超綵」兩周前出戰谷草一哩，僅輸畀落班兼形勢賺盡嘅「皇龍戰駒」，今仗有唔少快馬開路，排3檔相當好跑。
蘇聯盃賽制

以上賽事均以一場過分勝負，若法定時間內打成平手，則需加時作賽，再和就互射12碼決勝。