卡利亞里搵AC洩憤

猪拉多纳

AC米蘭今季處於極低潮，今晚主場對卡利亞里。客隊近期因足總判決令到球員、球迷及老闆感到不滿，相信卡利亞里會將怒氣發洩喺AC米蘭身上。AC米蘭讓波，捧「讓球客勝」。

（周四凌晨2時45分開賽）

所謂打擊源自周日卡利亞里主場對羅馬嘅比賽，因比賽用地仍未獲得安全證書，故需要閉門作賽。但當日卡利亞里竟安排季票持有人入場，最終被有關方面取消比賽。而意大利足總決定先判處卡利亞里輸○比三，至於球隊嚴重違反安全條例，據報極有可能會追加罰分。卡利亞里受到雙重打擊，球隊當然相當之不滿，老闆施連奴即時下令，要求所有球員要全力拚搏，以盡快追回損失。

今場AC米蘭雖主場作賽，但球隊今季未曾喺聖西路球場贏波，除教練阿里基外，奇雲保定以及沙柏達華倫西亞都要停賽，加上柏圖、蒙達利、史查沙、迪達韋拿及法米尼仍未康復，紅黑兵團今場讓唔起對手。