英聯盃小心名牌！

猪拉多纳

英聯盃第3圈比賽繼續開打，今日3大名牌曼聯、阿仙奴同利物浦分別登場，大大提升賽事注目程度。近年英超勁旅當呢隻盃仔冇到，於賽事初段例牌派二、三線兵應戰，戰意又唔高，故大家切忌盡信大牌，投X前要諗過度過！
阿仙奴大起高地

阿仙奴主場迎戰高雲地利，大有機會上演入球騷。兵工廠必派後備小將落場，但禾確特、阿歷士張伯倫、艾沙維、查馬克等勁餓波，面對「高地」超曳後防殺無赦，大細中位數調升到3.5球照捧大！

（周四凌晨2時45分開賽）

兵工廠2011至12財政年度，球會盈利超過1億鎊（約12.6億港元），盛傳領隊雲格將分到一半收購球員；未來陣中競爭愈來愈激烈，小將、後備有得落場點會唔搏？

對手「高地」連英甲都踢唔掂，近4仗怒失10粒，但有3場入到波，今戰捧大啱數。