拜仁強勢奪堡

猪拉多纳

開季盤路全勝的拜仁慕尼黑主場對禾夫斯堡，拜仁聯賽四連勝盡顯王者霸氣，主場出擊冇理由唔追捧。禾夫斯堡演出飄忽，主場吞過漢諾威四蛋，班兵擺明唔聽主帥馬加夫支笛，今場聽炒，捧拜仁「讓球主勝」。

（有線61及201台周三凌晨2時直播）
禾堡愈踢愈衰

拜仁今場有列貝利傷愈復出，增加入波本錢。球隊上仗作客爭標對手史浩克贏2比0，全程主導球賽，贏得輕鬆，獲德國權威媒體之一《圖片報》給予大部分球員第二高評級，預期班兵可以承接勇勢進擊禾夫斯堡，爭取聯賽五連勝。

禾堡近況認真一般，近期面對實力唔強嘅格雷特霍夫及奧格斯堡都失分，今次面對真正強者拜仁肯定處於下風。近年禾堡作客拜仁都冇好結果，相信今次都唔會例外，隨時好似早前史特加咁，作客拜仁被狂炒。