烏甸AC頹「細」鬥死火

猪拉多纳

今晚烏甸尼斯於意甲主場硬撼AC米蘭，呢兩支上季分列第3及次席嘅勁旅，開季成績都慘不忍睹，而且齊齊變身啞火部隊唔識入波，攬住水鬥水，累鬥累，1.68倍入球細值捧。

（開賽時間：周日晚9:00）
烏甸開咧6場不勝

烏甸尼斯上季靠住狀態大勇嘅迪拿達利，都算遇神殺神，遇佛殺佛，點知今季連歐洲賽在內，頭6場波全部贏唔到，其中更只得1場入多過1球，都幾令小妹跌眼鏡o架！雖然AC米蘭後防冇咗堤亞高施華唔多靠得住，但以烏甸嘅近況，對邊隊都唔慌多波入。
AC 4戰得1場入波

另邊廂嘅AC開季4場贏得1場咁多，亦只得嗰場有波入，歸根究柢咪又係賣走咗王牌伊巴謙莫域後，教練阿里基即刻現晒形囉！結果喺柏圖同羅賓奴長期養傷下，AC即由上季意甲「最猛火球隊」變成依家嘅啞火兵團，近排仲有傳阿里基同班球員反晒面，將帥不和，真係唔使旨意佢哋會有心爭取入球喇！