祖雲達斯主場明屈基

猪拉多纳

力圖衞冕意甲嘅祖雲達斯，本周聯賽將於主場對基爾禾。祖雲達斯近況不俗，剛於周中歐聯與車路士惡鬥，於劣勢下仍能扳平二比二。如今重返主場作賽，戰鬥力必定進一步提升。對手基爾禾實力有限，上輪主場鬥拉素都全失三分，今場遇到班霸祖雲達斯，形勢必更加惡劣。預料祖雲達斯可以輕鬆姿態勝出，今場可揀「讓球主勝」。

（周日凌晨2時45分開賽）
基爾禾態沉難威脅

祖雲達斯雖要應付歐聯，但季初階段球員好氣好力，疲累情況相對輕微。加上祖雲達斯自從干地執教之後就銳意加強體能訓練，故所謂一周雙賽絕對不成問題。而最重要係陣中只得柏比一個傷兵，就算周中對車路士扭傷足踝嘅維達爾，亦都證實可如期上陣。主隊幾近「夫添」出擊，基爾禾今場有難。其實基爾禾近兩場演出都幾差，無論對帕爾馬或者拉素都無法給予對手壓力。上輪喺主場鬥拉素仲輸到一比三，球員狀態明顯不足，祖雲達斯大勝可期。