泰路當弗「首球」有得諗

猪拉多纳

巴塞主場鬥CF格蘭納達，球隊周中歐聯惡戰險勝莫斯科斯巴達，最搶鏡莫過於左翼基斯甸泰路。呢位球隊青訓產品，憑住飛快的速度同突破力強，上季已經嶄露頭角，今季更深得新帥維蘭路華器重，唔單止冇之前咁騰雞，其射術亦大有進步，特別係有美斯牽制下，經常引開多名守將，令佢獲得好多射門機會，上仗對斯巴達更於左輔位遠射先開紀錄。既然美斯分頭麻麻，另一前鋒韋拿又未必打正選，寧買當頭起，不如買賠率更好分的基斯甸泰路「首球」。

（now 632周日凌晨4時直播）